Dúnıejúzilik densaýlyq saqtaý uıymynyń ókili Vıtıanıs Andrıýkaıtıs koronavırýsqa qarsy qosvalentti vaksına shyǵarylatynyn habarlady, dep jazady Egemen.kz.
TASS aqparat agenttiginiń jazýynsha, dári-dármektiń óndirisi 2022 jyldyń kúzine josparlanǵan.
«Jalpy, álemdegi epıdemııalyq jaǵdaı jaǵymdy emes, sondyqtan áli de qyraǵy bolý kerek. Koronavırýsqa qarsy eki valentti vaksına ınfeksııamen jáne onyń mýtasııasymen kúresýge kómektesedi dep úmittenemiz. Preparat kúzge deıin aınalymǵa shyǵarylady dep jospartanýda», dedi sarapshy.
Andrıýkaıtıstiń aıtýynsha, kóptegen farmasevtıkalyq kompanııalar ónim ázirleýdiń sońǵy satysynda ekenin málimdedi.