Abaı oblysynda keme qatynasy jandanýy múmkin. Bul jóninde oblys ákimi Nurlan Uranhaev Semeıdegi burynǵy ózen kemejaıyn aralaý kezinde aıtty.
О́ńir basshysy keme qatynasynyń mańyzdylyǵyn, atap aıtqanda, jolaýshylar tasymalyn arttyrýdaǵy tıimdiligin, sondaı-aq júk tasymaldaýǵa ekonomıkalyq artyqshylyqtaryn jetkizdi.
«Osyǵan deıin Ertistegi keme qatynasyn jandandyrýdyń qajettiligin aıtqan edim. Kez kelgen keme úshin pırs qajet ekeni aıtpasa da túsinikti. Osy maqsatta burynǵy ózen vokzalynyń jaǵdaıymen tanysýdy uıǵardyq», dedi oblys ákimi.
Onyń aıtýynsha, shaharda keme qatynasyn jańǵyrtý úshin barlyq tetik qarastyrylǵan. Eń bastysy, ınvestorlar kelýge daıyn.
«Bul baǵytta usynystar bar, ınvestorlar da tabylyp otyr. Buryn О́skemen men Ombynyń arasyn Semeı arqyly qatynaıtyn áıgili «Raketa» kemeleri jalǵaıtyn. Keme qatynasyn jańǵyrtýdy oryndy dep sanaımyz. Meniń oıymsha qazir kópshiligi avtokólik joldarymen júrýge jalyqty. О́skemennen Semeıge deıin shlıýzdeýdi esepke alǵanda jol uzaqtyǵy úsh jarym saǵatty alady. Kópshiligi kólik qatynasynyń bul túrine qyzyǵyp, suranys artady dep oılaımyn. Júk tasymaldaryna keletin bolsaq, bul bólek másele. Álbette, ony esepten shyǵarýǵa bolmaıdy. Biraq oǵan basqa ınvestorlar qajet», dedi N.Uranhaev.
Abaı oblysy