Jetisý oblysyna qarasty Eskeldi aýdany Kókjazyq aýylynyń turǵyndary jergilikti ákimniń jumysyna kóńili tolmaıtynyn aıtyp shaǵymdanýda, dep habarlaıdy Egemen.kz.
Saǵadı Taldybaevtyń Kókjazyq aýyldyq okrýginiń ákimi qyzmetin atqaryp kele jatqanyna 20 jyldan asqan. Turǵyndardyń aıtýynsha, sol ýaqyttan beri esh ózgeris bolmaǵan. Aýylda jol salynbaǵan, balalar alańdary men ǵalamtor tipti jaryq ta joq.
Al ákim Saǵadı Taldybaev máseleniń barlyǵyn birden sheshý múmkin emestigin aıtady. Onyń sózinshe, okrýg jaryǵynyń 10 baǵanasy aýystyrylyp, jańadan sport alańy salynyp jatqan kórinedi. Okrýg boıynsha 3 aýylǵa aýyz sý tartylyp, mektepke oqýshylar avtobýspen qatynaıdy eken.
Eskeldi aýdany ákimdiginiń resmı saıtynda Taldybaev Kókjazyq aýyldyq okrýgine 1998-2012 jyldary, sosyn 2016 jyldan bastap qazirgi ýaqytqa deıin 2 ret ákim bolyp taǵaıyndalǵany jazylǵan.
Ákimniń ózi halyq talabyna saı qyzmet ornyn bosatý jaıly da, aldaǵy ýaqytta ákimdik saılaýǵa qatysatyny týraly da sóz qozǵaǵan joq.
Ajar Laýbaeva