AQSh prezıdenti Djo Baıdennyń koronavırýsqa tapsyrǵan testi oń nátıje kórsetti. Bul týraly Aq úıdiń baspasóz qyzmeti málim etti, dep habarlaıdy Egemen.kz.
Aq úıdiń baspasóz qyzmetiniń málimetinshe, Djo Baıden óz rezıdensııasynda oqshaýlanǵan. Ol jumysyn sonda jalǵastyra beredi.
«Memleket basshysynyń COVID-19-ǵa tapsyrǵan testi teris nátıje kórsetkennen keıin ǵana ol ádettegi jumys formatyna qaıta oralady. Ol vaksınasııa kýrsynan tolyq ótken, aýrýdyń sımptomdary jeńil», dedi Aq úı ókilderi.