18 shildede Jezqazǵan qalasy PB esirtki qylmysyna qarsy is-qımyl jónindegi qyzmetkerleri jedel-izdestirý is-sharalary barysynda quramynda esirtki zaty bar ósimdikterdi zańsyz ósirgen 42 jastaǵy turǵyndy ustady, dep habarlaıdy Egemen.kz.
Kúdiktiniń úı janyndaǵy ýchaskesin tekserý kezinde jalpy salmaǵy 6 keliden asatyn qarasora tektes ósimdiktiń 498 butasy tárkilendi.
Ol qarasorany ózi úshin ósirgenin aıtyp, túsindirdi. Sol kúni Temirtaý qalasynyń PB esirtki qylmysyna qarsy is-qımyl jónindegi qyzmetkerlerimen 25 jastaǵy er adamǵa tıesili jeke úıdiń baqshasynan 417 túp qarasora tabylyp, alyndy.
Úı ıesi polıseılerge tyıym salynǵan ósimdikti baqshasynda óńdirgen faktisi boıynsha jaýap bere almady.
Atalǵan faktiler boıynsha QR QK 300-baby boıynsha sotqa deıingi tergeý júrgizilýde. Tıisti saraptamalar taǵaıyndaldy.