Mańǵystaý oblysyndaǵy Jarma, Sazdy, Saýysqan eldi mekenderi qum kóshkininiń astynda qalý qaýpi bar, dep habarlaıdy Egemen.kz.
«Qum meniń bala kezimde, shamamen 60 jyldaı buryn, aýyldan 300 metrdeı jerde edi. 1996 jyldan bastap qum kóship bastady, sońǵy kezde údeı tústi. Qora, qudyq degenderdi basyp qaldy. Endi osy qumdy toqtatý kerek. Qorshaý ornatatyn bolsa, shóp óser edi», dep shaǵymdandy Jarma aýylynyń turǵyny Igilik О́tesinov.
Jarma aýylynda 100-ge jýyq adam turady. Olar jyl saıyn arnaıy tehnıka jaldap, aýlalaryn qumnan arshyp, alysqa tasytady. Biraq oǵan turǵylyqty halyqtyń báriniń birdeı jaǵdaıy jetpeıdi. Sondyqtan jaýaptylardyń tezirek sekseýil egip, qum kóshkinine toıtarys berýin suraıdy. Uqsas jaǵdaı Saýysqan jáne Sazdy eldi mekenderinde de oryn alyp otyr.
«Jyl basynan bastap biz tórt ret konkýrs jarııalaǵan edik. О́kinishke qaraı, merdigerler konkýrsqa qatyspady. Bir apta buryn besinshi ret konkýrs jarııalandy. 2004 jyldan beri sekseýil egý jumysyn júrgizip kele jatyrmyz. Qazirgi ýaqytqa deıin Senek, Tushyqudyq, Shebir jáne Ushtaǵan aýyldaryna 3236 gektar sekseýil egildi», dedi Mańǵystaý oblystyq tabıǵı resýrstar basqarmasynyń bólim basshysy Erbol Denov.
Osymen besinshi ret jarııalanǵan baıqaýda merdiger anyqtalsa, jyl sońyna deıin úsh eldi mekende 135 gektar aýmaq qorshalyp, keler jyly sekseýil egý jumysy bastalady. Bul jumystarǵa bıýdjetten 408 mıllıon teńge qarajat qarastyrylǵan.