Tenderde utyp beremin dep almatylyqtardy 300 mln teńgege aldap ketken áıel ustaldy, dep habarlaıdy Egemen.kz.
Áýezov aýdanynyń polıseıleri alaıaqtyq jasaǵany úshin 37 jastaǵy S.esimdi áıeldi ustady.
«Qylmystyq is materıaldaryna sáıkes, kúdikti «jaqsy tanystaryna» silteme jasaı otyryp, azamattarǵa tenderlerge qatysýǵa jáne jeńiske jetýge ýáde bergen. Qazirgi ýaqytta S. esimdi áıeldiń qatysy bar bes qylmystyq is tergelýde. Jábirlenýshilerge keltirilgen materıaldyq shyǵyn kólemi 300 mıllıon teńgeni quraıdy. Kúdikti qazir qamaýda otyr. Sotqa deıingi tergeý jalǵasyp jatyr. Áıeldiń basqa da epızodtarǵa qatysy bar-joǵy anyqtalyp jatyr», dedi Áýezov aýdandyq PB bastyǵy Ulan Ábilqaıyr.