О́skemen qalasynda tamyz aıynyń basynda tramvaılar ýaqytsha qatynamaıdy, dep habarlaıdy Egemen.kz.
«О́skemen qalalyq kólik kompanııasy» JShS málimetine súıensek, tamyz aıynyń basynda qalaǵa relsterdiń jańa partııasy jetkizilmek. Sol kezde eski tramvaı joldaryn aýystyrý jumystary bastalyp, qoǵamdyq kólik qozǵalysy ýaqytsha toqtaıdy.
«Barlyq jumystardy 5 kún ishinde aıaqtaýǵa tyrysamyz. Sodan keıin qozǵalys qaıta jandanady», deıdi kompanııa dırektory Mıhaıl Chaıka.
Aıta keteıik, kún saıyn О́skemende tramvaılarmen 13 myńǵa jýyq adam qatynaıdy. Tramvaı jelileri 40 jyldyń ishinde birinshi ret jańartylyp jatyr.