Shymkent QPD Esirtki qylmysyna qarsy is-qımyl basqarmasynyń qyzmetkerleri «Qarasora-2022» jedel-profılaktıkalyq is-sharasy barysynda iri kólemde esirtki zattaryn saqtap, ony ótkizýmen aınalysqan úsh azamatty ustady, dep habarlaıdy Egemen.kz.
Onyń ekeýinen 2 polıetılendi pakette bolǵan esirtki zattary tabylsa, olarmen sybaılas bir azamattan qapqa salynǵan esirtki zaty tabylǵan.
«Saraptama qorytyndysyna sáıkes, tárkilengen zattar keptirilgen marıhýana ekendigi anyqtalyp, jalpy salmaǵy – 7 keli 188 gr qurady. Atap ótý qajet, quryqtalǵan qylmystyq toptyń músheleriniń barlyǵy buryn qylmystyq jaýapkershilikke tartylyp, sotty bolǵan. Búginde atalǵan azamattarǵa qatysty sotqa deıingi tergep-tekserý jumystary júrgizilýde. Kúdiktiler qamaýǵa alyndy», dep jazylǵan habarlamada.