Qazaqstan Ulttyq banki ózderin polısııa nemese Ulttyq bank qyzmetkeri retinde tanystyratyn telefon-alaıaqtarynyń paıda bolǵanyn eskertti, dep habarlaıdy Egemen.kz atalǵan vedomstvoǵa silteme jasap.
Alaıaqtar «zańsyz áreketi úshin bank menedjerin ustaýǵa arnaıy operasııa» júrgizemiz degen jeleýmen azamattardy nesıe rásimdeýge nemese mıkroqaryz alýǵa úgittep, aqshany úshinshi tulǵanyń shotyna aýdarýǵa kóndiredi.
Keı jaǵdaılarda jalǵan «polısııa» qyzmetkeri Ulttyq bankpen birlesip «arnaıy operasııa» júrgizetinin jáne onysyn rastaý úshin «Ulttyq bank qyzmetkerine» qońyraý shalǵan bolyp, qoldan jasalǵan kýálikterdi, banktiń aýdarym qujattaryn jáne oryndalǵan operasııalardyń zańdylyǵyn «rastaıtyn» basqa da málimetterdi jiberedi. Mundaı áreketterdiń barlyǵy uıymdasqan alaıaqtardyń jumysyn kórsetedi.
Alaıaqtardyń mundaǵy túpki maqsaty – nesıe rásimdeýge qatysty motıvasııalyq túrli aıla tabý, aqsha jymqyrý jáne derbes deregin qolǵa túsirý.