Qarýly qaqtyǵysta paıdalanylǵan qarý tárkilenip, qylmystyq tergeý materıaldaryna qosa tirkeldi. 1992-1999 jyldary týǵan úsh kúdikti qamaýǵa alyndy. Olar buryn da isti bolǵany anyqtaldy, dep habarlaıdy Egemen.kz.
«Negizgi aıyptalýshy oqıǵa bolǵan kúni ustaldy. Qalǵan ekeýi keshe qolǵa túsken. Úsheýi de ÝUI-ǵa qamaldy. Janjalda paıdalanylǵan atys qarýy (pompalyq bes oqtaýly myltyq) tárkilenip, zattaı dáleldemeler retinde tergeý materıaldaryna qosa tigiledi. Qylmystyq tergeý oblystyq departament basshylyǵynyń erekshe baqylaýynda», dedi Almaty oblysy PD bastyǵynyń orynbasary Eldar Ábdikenov.
Tergeý qylmystyq zańnamanyń úsh baby, atap aıtqanda «adam óltirý», «adam óltirýge oqtalý» jáne «qarý qoldanýmen jasalǵan buzaqylyq» boıynsha júrgizilýde.
Eske sala ketsek, 22-23 shildege qaraǵan túni Esik aýrýhanasyna oq jaraqattaryn alǵan 18 jáne 30 jastaǵy eki jergilikti turǵyn jetkizildi, olardyń biri reanımasııada qaıtys boldy.
Keıinirek polısııa is boıynsha negizgi aıyptalýshy 30 jastaǵy er adamnyń ustalǵanyn habarlady.