Petropavl qalasynyń namysyn qorǵaıtyn «Qyzyl-Jar» Konferensııa lıgasynyń úshinshi aınalymyna joldama aldy, dep habarlaıdy Egemen.kz Vesti.kz-ke silteme jasap.
Horvatııadaǵy qarymta matchta 2:0 esebi tirkeldi. Oıynnyń 62 mınýtynda Gıorgı Ivanıdze esep ashsa, araǵa eki mınýt salyp Mýssa Kone tablodaǵy esepti eseledi.
«Astana Arenadaǵy» birinshi kezdesýde horvatııalyqtar 2:1 nátıjesimen jeńiske jetken edi. Qos oıynnyń qorytyndysy boıynsha 3:2 esebi tirkelip, «Qyzyl-Jar» jarystyń kelesi kezeńine shyqty. Osylaısha óz tarıhynda tuńǵysh ret eýrokýbok týrnırinde baǵyn synap jatqan soltústik qazaqstandyqtar jeke kórsetkishterin jaqsartty.