Tótenshe jaǵdaılar mınıstrliginiń buıryǵymen polkovnık Manarbek Qaıyrgeldiuly Shapaǵatov - Abaı oblysyna, al Esen Álmuhanbetuly Baıyrov - Ulytaý oblysy tótenshe jaǵdaılar departamentiniń bastyǵy bolyp taǵaıyndaldy, dep habarlaıdy Egemen.kz.
Manarbek Qaıyrgeldiuly 1975 jylǵy 3 aqpanda Kókshetaý oblysynyń Eńbekshilder aýdanynda týǵan. 1995 jyly IIM Almaty órt-tehnıkalyq ýchılıshesin, 2005 jyly TJM Kókshetaý tehnıkalyq ınstıtýtyn támamdady.
Mamandyǵy - órt qaýipsizdik ınjeneri. Quqyq qorǵaý organdarynda 1992 jyldan bastap qyzmet atqarady. О́z qyzmetin Kókshetaý oblysynyń Shýche aýdany memlekettik órt qadaǵalaý bóliminiń ınspektory laýazymynan bastady. Qyzmet atqarǵan jyldary ártúrli basshylyq laýazymda qyzmet ótkerdi.
2015 jyldan bastap Aqmola oblysy tótenshe jaǵdaılar departamenti bastyǵynyń orynbasary laýazymynda qyzmet atqardy.
Esen Álmuhanbetuly 1974 jylǵy 22 sáýirde Jezqazǵan oblysynyń Aqadyr aýdanynda týǵan. 2005 jyly Qaraǵandy memlekettik tehnıkalyq ýnıversıtetin, 2011 jyly TJM Kókshetaý tehnıkalyq ınstıtýtyn támamdady.
Mamandyǵy - órt qaýipsizdik ınjeneri. Quqyq qorǵaý organdarynda 1998 jyldan bastap qyzmet etedi. О́z qyzmetin Astana qalasynyń Memlekettik órtke qarsy qyzmeti № 19 órt sóndirý bóliminiń kishi ınspektory laýazymynan bastady. Qyzmet atqarǵan jyldary ártúrli basshylyq laýazymda bolǵan.
2020 jyldan bastap Nur-Sultan qalasy tótenshe jaǵdaılar departamenti bastyǵynyń orynbasary laýazymynda jumys istegen.