Elordada «Mektepke jol-2022» Respýblıkalyq jyl saıynǵy aksııasy bastaldy, dep habarlaıdy Egemen.kz Nur-Sultan qalalyq ákimdiginiń baspasóz qyzmetine silteme jasap.
Qaıyrymdylyq is-shara Baıqońyr aýdanynda aýdandyq ákimdik ókilderi men máslıhat depýtattarynyń qatysýymen bastaldy.
Bıyl aksııa balalar jyly aıasynda ótkiziledi. Oǵan demeýshiler men qamqor azamattar belsendi qatysady. Jyl saıynǵy is-shara jańa oqý jylyna daıyndyq kezeńinde halyqtyń áleýmettik osal sanatyndaǵy balalarǵa kómek kórsetýge baǵyttalǵan.
«Búgin biz az qamtylǵan jáne muqtaj otbasylarǵa arnalǵan jyl saıynǵy «Mektepke jol« respýblıkalyq aksııasyn bastadyq. Ol 30 qyrkúıekke deıin jalǵasady.
Bokstar Baıqońyr aýdanynyń úsh núktesinde ornatyldy: «Álem«, «Aımaktaý« jáne «Jannur« SÚ. Qaıyrymdylyq aksııasyna qoldaý kórsetkisi keletinder qajetti zattardy, mektep formasyn, mektepke arnalǵan keńse taýarlaryn ala alady, olar az qamtylǵan oqýshylarǵa taratylady. Biz turǵyndardy ıgi isti qoldaýǵa jáne oǵan qatysýǵa shaqyramyz», dep atap ótti Baıqońyr aýdanynyń ákimi Erlan Jaýlybaev. Aksııaǵa qatysý úshin muqtaj ata-analar óz mektebiniń áleýmettik pedagogtaryna júginýi tıis, olar aýdan ákimdigine tizimderdi qalyptastyrady jáne jiberedi.
Eske sala keteıik, ótken jyly atalǵan aksııa aıasynda 750-den astam bala qamtylsa, aǵymdaǵy jyly aýdan ákimdigi 1000-ǵa jýyq balany mektepke qajetti barlyq zattarmen qamtamasyz etýdi josparlap otyr.
Jaqsy dástúr aıasynda aýdan ákimi apparaty «Mektepke jol-2022» brendtelgen qaıyrymdylyq úılerin ornatty. Búgin bul «úıler» Baıqońyr aýdany ákimi men qalalyq máslıhat hatshysynyń mektepke qajetti zattary bar alǵashqy rıýkzaktarmen tolyqtyryldy.