Turaqtylyq pen damý keńistigi

ShYU elderiniń syrtqy saıası vedomstvolarynyń basshylary bıyl qyrkúıekte Samarqand qalasynda ótetin ShYU-ǵa múshe memleketter bas­shy­la­ry­­nyń sammıtine daıyndyq sheń­­berinde uıym qyzmetiniń túrli baǵyttaryndaǵy ózara is-qı­myldyń aǵymdaǵy jaı-kúıi men damý perspektıvalaryn, onyń halyqaralyq jáne óńirlik ister­degi róli men ornyn arttyrýdy talqylady.

Taraptar ShYU-nyń ózara senim men paıdany, teńdikti, ózara konsýltasııalardy, máde­nıet­­terdiń alýan túrliligin qurmet­­teýdi jáne birlesip damýǵa umty­­lysty iske asyratyn «shanhaı rýhyna» súıene otyryp, qu­ryl­ǵan sátinen bastap 21 jyl ishin­de qazirgi halyqaralyq qa­ty­nastar júıesiniń yqpaldy qatysýshylarynyń biri retinde ornyqqanyn atap ótti.

О́z sózinde Syrtqy ister mınıstrliginiń basshysy Qazaqstan Uıym memleketterimen yn­ty­maqtastyqtyń barlyq baǵyty boıynsha jan-jaqty ózara is-qımyl boıynsha belsendi ju­mysty jalǵastyrýǵa nıetti eke­nine toqtaldy.

«О́tken jumys jyldarynda uıymnyń negizgi maqsattary men mindetterine qol jetkizýge baǵyttalǵan birlesken is-shara­lardy júıeli túrde júzege asyrdyq. Shanhaı yntymaq­tas­tyq uıymy óziniń úshinshi onjyl­­dyǵynda óte kúrdeli álemdik prosesterdiń aıasynda kiredi. Osynyń aıasynda ShYU turaq­tylyq pen damý keńistigi bolyp qala beretinin atap ótý qýanta­dy», dedi M. Tileýberdi.

Qazaqstan, Qytaı, Qyrǵyz­stan, Pákistan, О́zbekstan, Reseı, Tájikstan jáne Úndistan syrtqy ister mınıstrleri Samarqand deklarasııasy saıası qujatynyń jobasyn qarap, negizge aldy, sondaı-aq Uıymnyń aǵymdaǵy qyzmeti boıynsha birqatar basqa sheshimge qol qoıdy.

ShYU elderiniń syrtqy saıa­sı vedomstvolarynyń basshy­lary ShYU-ǵa múshe memleket mártebesin alý maqsatynda Iran Islam Respýblıkasynyń mindettemeleri týraly Memo­ran­dýmǵa qol qoıý týraly máse­leni memleketter basshylary keńesiniń qaraýyna engizý týraly sheshim qabyldady.

Mınıstrler ShYU-nyń Mysyr Arab Respýblıkasymen, Saýd Arabııasy Koroldigimen jáne Qatar memleketimen dıalog boıynsha áriptes mártebesin berý týraly memorandýmdarǵa qol qoıylýyn quptady.

Jıynnan keıin ShYU elderi delegasııalarynyń basshylaryn О́zbekstan Respýblıkasynyń Prezıdenti Shavkat Mırzııoev qabyldady. Suhbat barysynda óńirdegi ahýal men ShYU aıa­syn­daǵy ózara is-qımyl jónindegi ózekti máseleler, sondaı-aq Uıym­­nyń aldaǵy sammıtine daıyn­­dyq barysy qozǵaldy.

Is-shara aıasynda Qazaqstan SIM basshysy M.Tileýberdi Qytaı Syrtqy ister mınıstri Van I, Úndistan Syrtqy ister mınıstri Sýbramanııan Djaı­shan­kar, Pákistan Syrtqy ister mınıstri Bılaval Zardarımen eki­jaqty bólek kezdesýler ót­kiz­di. Sondaı-aq ShYU Bas hatshysy Chjan Mınmen de kelissózder ótkizildi.

Taraptar ekijaqty ynty­maq­tastyqtyń jaı-kúıi men pers­pektıvalaryn jáne kóp­jaqty qurylymdar aıasyndaǵy ózara is-qımyldy talqylady. Halyq­ara­lyq kún tártibindegi ózekti máselelerge erekshe nazar aýdaryldy.

Qytaı Syrtqy ister mınıstri Van Imen kezdesý barysynda M.Tileýberdi birqatar máse­leni talqylaǵan. Sınhýa agent­tiginiń habarlaýynsha, Beıjiń bıligi Qytaı-Qazaqstan yntymaq­tastyǵyn odan ári nyǵaıtyp, beldeý men joldyń joǵary sapaly qurylysyn basty mindet etip qoıýǵa daıyn ekenin bildirgen.

Van I bıylǵy aqpanda QHR tór­aǵasy Sı Szınpın men Qazaq­stan Prezıdenti Qasym-Jomart Toqaevtyń jemisti kezdesý ótkiz­genin jáne Qytaı-Qazaq­stan qa­rym-qatynasynyń taǵy da 30 jyl­dyq altyn kezeńin qurýǵa, eki­jaqty baıla­nys­tardy uzaq mer­zimde damytý úshin birlesip ju­mys isteýge múd­deli ekenin jetkizgen.