Qazaqstannyń bas sanıtar dárigeri Aıjan Esmaǵambetova óńir «qyzyl» aımaqqa kirgen jaǵdaıda bilim berý salasynda engiziletin shekteýler jaıynda aıtty, dep habarlaıdy Egemen.kz.
Aıjan Esmaǵambetovanyń aıtýynsha, elimizde qashyqtan oqytý formaty engizilmeıdi. Degenmen, «qyzyl» aımaqqa túsken óńirlerde mádenı, tárbıe is-sharalaryn, synyp jáne ata-analar jınalystaryn ótkizýge tyıym salynady.
«Balabaqshalarda toptardy biriktirý arqyly ótkiziletin is-sharalarǵa tyıym engiziledi. Mektepterde joǵary, orta jáne tómengi synyp oqýshylaryn bólekteý júrgizilýi múmkin. Bul olardy múmkindiginshe bir-birimen kezdespeýi úshin jasalady. Esterińizde bolsa, bastaýysh jáne joǵary synyptar úshin bólek kire beris uıymdastyrǵan edik», dedi bas sanıtar dáriger.