Oblystyq tarıhı-ólketaný mýzeıinde san ǵasyrlyq tarıhy bar jádigerler jetip artylady. Olardyń basym kópshiligi kóne Taraz topyraǵynda júrgizilgen qazba jumystarynyń kezinde tabylǵan.
Mýzeıge kelýshiler sany jaz mezgilinde de sıregen emes. Tipti keıde ózge qalanyń turǵyndary da mundaǵy jádigerlermen tanysyp jatady. Mýzeı zaldaryn aralap júrgen kezde saq jaýyngeriniń dýlyǵasy kózimizge ottaı basyldy. Qoladan jasalǵan jádigerdiń tarıhy tym áride jatyr eken.
«Bul dýlyǵa VII-IV ǵasyrlardan tamyr tartady. Qoladan quıylyp jasalǵan jádigerdiń taza salmaǵy úsh kılogrammǵa jýyqtaıdy. Onyń tómen jaǵynda birneshe tesik bar. Dýlyǵa Qordaı aýdanynan 1950 jyly kezdeısoq tabylǵan. Burynǵy Keńes Odaǵynyń terrıtorııasynan tabylǵan úsh saq dýlyǵasynyń bireýi sanalady», deıdi atalǵan mýzeı dırektorynyń orynbasary Zarına Dúkenbaeva.
Taraz