Sońǵy úsh jyl ishinde Nur-Sultan qalasynda 34 mektep salyndy. Endi 70 myńnan astam elordalyq oqýshy zamanaýı ǵımarattarda bilim ala alady, dep habarlaıdy Egemen.kz.
Sońǵy 3 jyl ishinde elordada 34 mektep boı túzep, paıdalanýǵa berildi. Esikterin jańadan ashqan oqý oryndary 70 myń oqýshy ornyn qurýǵa múmkindik berdi.
Qalada taǵy 11 bilim berý mekemeleriniń qurylysy josparlanǵan. Oqý oryndarynyń qurylysy qalanyń barlyq aýdanynda júrip jatyr.
«Sońǵy 2 jyldyń ózinde halyq tyǵyz qonystanǵan Esil aýdanynda - 12 mektep, Almaty aýdanynda - 7, Baıqońyr aýdanynda - 4, Saryarqa aýdanynda - 2 mektep salyndy. Bıyl qalada taǵy 11 mektep salynady. Atalǵan oqý oryndary qosymsha 23 myńnan astam oqýshy ornyn ashýǵa yqpal etedi», delingen Nur-Sultan qalasynyń Bilim basqarmasy taratqan habarlamada.
Máselen, Saryarqa aýdanynda ornalasqan №65 mekteptiń ereksheligi – ınklıýzıvti bilim berý baǵdarlamasy. Bul mektepte estý, tirek-qımyl apparaty buzylǵan balalar oqıdy. Munda barlyǵy 3 myńnan astam oqýshy bilim alyp júr, bul oqý ornyna júktelgen tıisti júktemeden asyp túsedi. Mekteptiń qýatyn arttyrý úshin janynan jańa korpýs salynyp jatyr.