Pavlodar oblysy boıynsha ekologııa departamenti Tórt-Qudyq ken orny men «Sharbaqty-Qus» JShS-ǵa qatysty profılaktıkalyq baqylaý júrgizdi, dep habarlaıdy Egemen.kz Pavlodarnews.kz-ke silteme jasap.
Tórt-Qudyq ken orny Pavlodar oblysy Ekibastuz aýmaǵynda ornalasqan. Onda «Algold» JShS kendi qaıta óńdeýdi tıisti konsentrattardy ala otyryp, gravıtasııalyq shoǵyrlandyrýmen jáne dástúrli flotasııalyq ádispen júzege asyrady.
- Tekserý júrgizý barysynda qaldyqtardyń memlekettik kadastryn júrgizý, óndiristik ekologııalyq baqylaý, obektiniń sanatyn aıqyndaý jáne memlekettik ekologııalyq saraptamanyń qorytyndysy bóliginde ereje buzý deregi anyqtaldy, - dedi departament ókili.Departament «Algold» JShS-ne qatysty jalpy somasy 1 396 728 teńgege bes ákimshilik aıyppul saldy. Joǵaryda kórsetilgen kemshilikterdi joıý týraly nusqamalar berildi.Al «Sharbaqty-Qus» JShS sharýashylyǵy jumyrtqa jáne qus eti túrinde ónim óndiretin mekıen taýyqtardy asyraýmen aınalysady.
- Munda tekserý nátıjeleri boıynsha memlekettik ekologııalyq saraptama qorytyndysynda kórsetilgen talaptarǵa sáıkes kelmeý faktileri anyqtaldy. Bul óz kezeginde QR Ekologııalyq kodeksiniń 90-babynyń 1-tarmaǵyna qaıshy keledi. Sondaı-aq qaldyqtarmen jumys isteý bóligine de qaıshy, - dedi departamenttegiler.