Elordada ótip jatqan dzıýdodan Azııa birinshiliginde el quramasy qorjynyna úsh medal tústi, dep habarlaıdy Egemen.kz.
Qurlyqtyq dodada áıelder arasynda Abıba Abýjakynova (48 keli) kúmis medal aldy. Ol aqtyq synda Vakana Kogaǵa ese jiberip qoıdy.
Sondaı-aq, erler arasynda 60 keli salmaq dárejesinde synǵa túsken Maǵjan qola júldeger atandy. Ol úshinshi oryn úshin saıysta mońǵolııalyq Arıýnbold Enhtaıvandy tize búktirdi.
Jekpe-jek barysynda derlik ol qarsylasynan bir upaı aıyrmasymen jeńilip turǵan edi. Nátıjesinde ádis qoldanyp, ıppondy merziminen buryn jeńip aldy. Taǵy bir qola medal Ǵusman Qyrǵyzbaevtyń (66 keli) enshisine buıyrdy. Ol qyrǵyzstandyq Kýbanychbekom Aıbekýýlýmen kezdesýi tıis edi. Alǵan jaraqatyna baılanysty qarsylasy tatamıge shyqqan joq.
Osylaısha Ǵusman qola júldeger atandy.