Almaty oblysynyń Uzynaǵash aýylynda qarýly qaqtyǵys boldy. Nátıjesinde bir adam qaıtys bolyp, taǵy ekeýi jaraqat aldy, dep habarlaıdy Egemen.kz.
«4 tamyzda saǵat 16:20 shamasynda úsh jergilikti turǵyn oq jaraqatymen Uzynaǵash aýylynyń aýrýhanasyna jatqyzyldy. Jetkizilgennen keıin zardap shekkenderdiń biri jansaqtaý bóliminde qaıtys boldy», delingen Almaty oblysy PD baspasóz qyzmeti taratqan habarlamada.
Izdestirý is-sharalary barysynda «ustap alý» jospary jarııalandy. О́ńirdegi polısııa bólimsheleriniń jeke quramy kúdiktilerdi ustaýǵa baǵdarlanǵan.
Qarý-jaraq oqıǵasy jergilikti turǵyndar arasynda dushpandyq qarym-qatynasqa baılanysty bolǵandyǵy anyqtaldy.
Qazirgi ýaqytta janjaldyń barlyq qatysýshylary anyqtalyp, olardy ustaý boıynsha is-sharalar júrgizilýde.