4 tamyzda Ázerbaıjan Respýblıkasynyń Ulybrıtanııa jáne Soltústik Irlandııa Birikken Koroldigindegi elshilik ǵımaratyn radıkaldy dinı top basyp aldy, dep habarlaıdy Egemen.kz AZERTADJ agenttigine silteme jasap.
Syrtqy ister mınıstrliginiń baspasóz qyzmeti habarlaǵandaı, radıkaldy dinı top músheleri elshilik ǵımaratyna basa-kóktep kirgen. Olar ǵımarat balkonynda dinı týlar kóterip, radıkaldy dinı urandar aıtqan. Top múshelerin jergilikti polısııa nysannan shyǵaryp, qamaýǵa aldy.
Oqıǵa kezinde elshilik qyzmetkerleri zardap shekken joq. Jergilikti quqyq qorǵaý organdary tergeý júrgizip jatyr. Onyń nátıjeleri týraly qosymsha aqparat beriledi. Ulybrıtanııa qurylymdarynyń nazaryna dıplomatııalyq arnalar arqyly Vena konvensııasyna sáıkes dıplomattar men dıplomatııalyq ǵımarattar qaýipsizdigine qatysty eskertý jiberildi.