Maıamıden Ystanbulǵa ushatyn Turkish Airlines ushaǵy bortta jolaýshynyń qaıtys bolýyna baılanysty Býharest áýejaıyna shuǵyl qondy, dep habarlaıdy Egemen.kz Digi 24 telearnasyna silteme jasap.
«Maıamı - Ystanbul reısin oryndaǵan Turkish Airlines ushaǵy jolaýshy aýyryp, qaıtys bolǵannan keıin Býharestke qonýǵa májbúr boldy», dep habarlaıdy telearna.
Ushaq saǵat 14:58-de qondy. Bortqa áýejaıdyń medısınalyq brıgadasy men jedel járdem brıgadasy kóterildi. Naýqasqa standartty reanımasııalyq prosedýra qoldanyldy, biraq dárigerler oǵan kómektese almady.