Investısııa salasyndaǵy marketıngtik kompanııanyń atyn jamylǵan «MMK Investment» qarjy pıramıdasyna qatysty sotqa deıingi tergeý bastaldy, dep habarlaıdy Egemen.kz Qarjylyq monıtorıng agenttiginiń elordalyq departamentine silteme jasap.
Agenttik habarlaǵandaı, mundaı kompanııa ókilderi salymshylardy eń az $50 ınvestısııamen tarta otyryp, kúndelikti joǵary tabys jáne ákelingen árbir klıent úshin qosymsha aqsha tóleýge ýáde beredi.
Jeke shottaǵy árbir salym somasy shart jasamaı «sıfrlyq túrde» kórsetildi.
Sonymen qatar, mundaı jalǵan qarjylyq uıym klıentteriniń ınvestısııalanǵan qarajatty alý múmkindigi joq, tek shotty toltyrý bar.
MMK Investment kompanııasynyń zańsyz qyzmeti áleýmettik jeliler arqyly jarnamalandy.
Qarjy pıramıdasyn uıymdastyrǵan kúdikti qamaýǵa alyndy.
QPK 201-babynyń talaptaryna sáıkes sotqa deıingi tergeýdiń basqa derekteri tergeý múddesi aıasynda jarııalaýǵa jatpaıdy.