Grant alýǵa ótinim qabyldaý bastaldy

Ortalyqtyń málimetinshe, bıyl beriletin granttar ju­myssyz nemese dara kásipker retinde memlekettik tirkeý merzimi úsh jyldan az, sol sııaqty bir rettik jıyntyq tó­lem­di tóleıtin dara kásipker bo­ıynsha grant alýǵa ótinish bergenge deıin tirkelgen jaǵdaıda halyqtyń áleýmet­tik osal toptaryna beriledi.

«Bul rette úmitker tómendegi áleýmettik sanattardyń birinen bolý kerek. Olar, 29 jasqa deıingi jastar, áleýmettik az qamtylǵan otbasy músheleri – AÁK alýshylar, kópbalaly otbasy – kópbalaly otbasylar boıynsha járdemaqy alýshylar, qandastar, qonys aýdarýshylar, járdemaqy alatyn múgedek balany tárbıelep otyrǵan tulǵalar, eńbekke qarsy kórsetilimi joq múgedektigi bar adamdar (múge­dekter), asyraýshysynan aıy­rylǵan jaǵdaıda tólenetin áleý­mettik járdemaqylardy alý­shylar», dedi Nur-Sultan qalasy halyqty jumyspen qamtý orta­ly­ǵynyń kásipkerlik bastamalardy qoldaý bólimi basshysynyń m.a. Baqyt Bekenov.

Jańa bıznes-ıdeıalardy iske asyrýǵa arnalǵan granttar tıisti qarjy jylynyń respýblıkalyq bıýdjeti týraly zańda belgilengen 400 AEK-ke deıingi mólsherde (2022 jylǵa 1 225 200 teńgeni quraıdy) óteý­siz jáne qaıtarymsyz negizde bastapqy bıznesti iske asyrýdy josparlaıtyn Ulttyq jobaǵa qatysýshylarǵa bir ret beriledi.

«Jańa bıznes-ıdeıalardy iske asyrýǵa grant alý úshin ótinish berýshi «Elektrondyq eńbek bırjasy» memlekettik aqparat­tyq portalynyń ishki jú­ıesi bolyp sanalatyn business.enbek – ­kásip­ke­r­lik bastama­lardy qoldaý portalynda óti­nim beredi. Grant alý­dyń mindetti sharttary «Bastaý Bıznes» jobasy boıynsha oqýdy aıaqtaý týraly sertıfıkattyń bolýy 3 (úsh) jyl ishinde sertı­fı­kat­ty alǵan kúnnen bas­tap esep­­teledi, úmitkerdiń portal­da bel­gilengen talaptarǵa sáıkes­tigi­ne nátıjelerdiń bolýy, komıs­sııa­nyń oń sheshiminiń bolýy. Grant alý úshin ótinimder birneshe lek boıynsha júrgiziledi. Birinshi lek (2022 jylǵy 1-14 sáýir), ekinshi lek (2022 jylǵy 8-19 tamyz), úshinshi lek (2022 jylǵy 29 tamyz – 9 qyrkúıek), tórtinshi lek (2022 jylǵy 19-30 qyrkúıek) por­tal arqyly «Business.enbek.kz» onlaın rejiminde júzege asyrylady», dedi B.Bekenov.