Atyraýda aýrýhanada kóz jumǵan júkti áıeldiń ólimi boıynsha sotqa deıingi tergeý amaldary bastaldy. Bul týraly oblystyq polısııa departamentiniń baspasóz qyzmeti málim etti, dep habarlaıdy Egemen.kz.
«1990 jyly týǵan júkti áıeldiń ólimi boıynsha sotqa deıingi tergeý bastaldy. Tergeý isi QR Qylmystyq kodeksiniń 317-babymen «Medısına nemese farmasevtıka qyzmetkeriniń kásibı mindetterin tıisinshe oryndamaýy» boıynsha júrgiziledi», delingen PD habarlamasynda.
Qazir tıisti saraptamalar taǵaıyndaldy.
Eske salsaq, Atyraý oblystyq aýrýhanasynda túsik tastaǵan áıel qaıtys bolǵan edi. Marqum áıeldiń artynda eki kishkentaı balasy qaldy.