Nur-Sultan qalasy Bilim basqarmasynyń basshysy Qasymhan Senǵazıev onlaın-brıfıngte bıyl birinshi synypqa 26 myńǵa jýyq bala baratynyn aıtty, dep habarlaıdy Egemen.kz elorda ákimdiginiń resmı saıtyna silteme jasap.
Aıta ketý kerek, osy jyly mektepterdiń kitaphana qory qaıta basylyp shyqqan 2-synyptyń oqýlyqtarymen jańartylady. Búginde qorda 2,5 mln-nan astam oqýlyq bar.
«Jańartylǵan oqýlyqtardyń alǵashqy toptamasy 12 tamyzda jetkiziledi, berý 15 tamyzda bastalady. Qazir mektepter 1, 3-9 synyptarǵa oqýlyqtar shyǵara bastady. Osy jyldyń 25 tamyzyna deıin elorda oqýshylarynyń 100%-y oqýlyqtarmen jáne oqý - ádistemelik keshendermen qamtamasyz etiledi», dedi Qasymhan Senǵazıev.
Balalar sanynyń ósýine baılanysty 1 mıllıonnan astam kitap satyp alynady.