Qurylysshylar kúni qarsańynda Indýstrııa jáne ınfraqurylymdyq damý mınıstrliginde sala qyzmetkerlerin marapattaýǵa arnalǵan jıyn ótti, dep habarlaıdy Egemen.kz.
Ataýly dataǵa oraı uıymdastyrylǵan sharaǵa qatardaǵy jumysshylar, jobalaýshylar, arhıtektorlar men qurylys salasynyń ardagerleri qatysty.
Saltanatty rásimde vedomstvo basshysy quttyqtaý sóz sóılep, elimizdiń áleýetiniń artýynda qurylys salasynyń mańyzdy ról atqaratynyn atap ótti.
Qaıyrbek О́skenbaev óz sózinde qurylysshylardy kásibı merekesimen tek qana IIDM ǵana emes, sonymen qatar barlyq qazaqstandyqtar quttyqtaıtynyn aıtty.
«Qurylys salasy – ekonomıkanyń basty draıverleriniń biri de biregeıi. Bul sala otandastarymyzdyń turmys sapasy men ál-aýqatynyń artýyna jáne barsha azamattarymyzdyń baıandy bolashaǵyn qamtamasyz etýge tyń serpin beredi. Sizderdiń qajyrly eńbekterińizdiń arqasynda sáýletti de ásem ǵımarattar boı kóterýde, túrli áleýmettik nysandar kóptep salynýda. Sondyqtan da kásibı merekelerińizdiń qarsańynda sizderdiń tabandy eńbekterińizge qurmet kórsetip, iltıpat bildirýdi uıǵardyq», dep atap ótti mınıstr.