Atyraý oblysynda 2011 jyly týǵan qyz sýǵa batyp ketti, dep habarlaıdy Egemen.kz.
Atyraý oblystyq Tótenshe jaǵdaılar departamenti qyzmetiniń habarlaýynsha, ol ruqsat etilmegen jerde sýǵa túsken.
Oqıǵa 13 tamyz kúni saǵat 13:50 kezinde bolǵan. Atyraý oblysynyń Qurmanǵazy aýdanyndaǵy Hıýaz aýylynyń mańynda 2011 jyly týǵan qyz Sharonovka ózenine batyp ketken. Ony saǵat 15:40-tan bastap 25 adam izdegen. Saǵat 23:00-de izdeý jumystary tańǵa deıin toqtatyldy.
14 tamyzda saǵat 8:45-te jergilikti turǵyndar qyzdyń denesin taýyp alyp, sýdan shyǵarǵan.