Qasym-Jomart Toqaev Baltash Tursymbaevtyń otbasy men jaqyn týystaryna kóńil aıtý jedelhatyn joldady, dep habarlaıdy Egemen.kz Prezıdenttiń baspasóz qyzmetine silteme jasap.
«Belgili memleket jáne qoǵam qaıratkeri Baltash Moldabaıuly Tursymbaevtyń dúnıeden ótýine baılanysty kóńil aıtamyn. Baltash Moldabaıuly uzaq jyldar boıy eńbek jasap, birqatar joǵary laýazymdy qyzmetterdi abyroımen atqardy. Qoǵamymyzdyń damýyna bar kúsh-jigerin arnady. Marqumnyń ımany salamat, jany jánnatta bolsyn», delingen jedelhatta.