ASTANA. 7 mamyr. Dýbaıda aldaǵy eki jylda júrgizýshisiz basqarylatyn taksı paıda bolmaq. Bul týraly RIA «Novostı» habarlady.
Personal Rapid Transit, ıaǵnı derbes avtomatty kólik joǵary tehnologııany qoldana otyryp, arnaıy bólingen joldar jelisimen jolaýshylardy ózdiginen tasymaldaı alady. Mundaı kólik túrin zertteý jumystary 1953 jyldan bastap qolǵa alynǵan eken. Alaıda, qozǵalys qaýipsizdigin qamtamasyz etýde birshama qıyndyqtar týýyna baılanysty, ony qoldanysqa engizýge múmkindik bolmaǵan.
Qazirgi tańda júrgizýshisiz basqarylatyn kólik quraly Londonnyń Hıtroý áýejaıynda ǵana jumys isteıdi. Bul júıe 2010 jyldan bastap jolaýshylardyń qoldanysyna engen.
Dýbaıda derbes avtomatty kólik júıesin engizý EKSPO-2020 halyqaralyq kórmesin ótkizýge baılanysty qalalyq ınfrastrýktýrany jetildirý jobasy aıasynda júzege aspaq.
Aıdar О́risbaev.
Derekkóz: Ria.ru.
Foto: Fresher.ru.