ATYRAÝ. 7 mamyr. Atyraý-Astrahan baǵytyndaǵy kúre joldyń boıynda Atyraý oblysynyń turǵyny 61 kılo bekire tuqymdas balyǵymen ustaldy. Bul týraly oblystyq ishki ister departamentiniń baspasóz qyzmeti habarlady.
Departamentke qarasty balyq qoryna qol suǵýshylyqqa qarsy kúres bóliminiń qyzmetkerleri «Shevrole» kóligin Isataı aýdanyndaǵy №18 temir beketi tusynda toqtatqan. Sheteldik kóliktiń júrgizýshisi bekire tuqymdas balyqtardy zańsyz aýlaýshylyǵymen aty shyqqan Janbaı aýylynyń 25 jasar turǵyny bolyp shyqty. Kólikti tekserý barysynda onyń salonynan 61 kılo bekire tuqymdas balyq tabylǵan.
Osy faktige baılanysty Qylmystyq kodekstiń 290-babymen (Janýarlar men ósimdikterdiń sırek kezdesetin jáne quryp ketý qaýpi tóngen túrlerimen zańsyz is-áreketter) qylmystyq is qozǵaldy.
Joldasbek Shópeǵul.
Derekkóz: Atyraý oblystyq ishki ister departamentiniń baspasóz qyzmeti.
Foto: ishingpage.hut2.ru.