О́skemende 29 jastaǵy jigit Ertis ózenine batyp ketti. Bul týraly ShQO Tótenshe jaǵdaılar departamenti baspasóz qyzmeti málim etti, dep habarlaıdy Egemen.kz.
Vedomstvo málimetinshe, qaıǵyly oqıǵa 14 tamyzda bolǵan.
«Tótenshe jaǵdaılar qyzmetine 1993 jyly týǵan er adamnyń ruqsat etilmegen jerde sýǵa batyp ketkeni habarlandy. Dostarymen sýǵa túsýge kelgen er adam alysqa júzip ketip, sýdan shyǵa almaı qalǵan. Dostary kómekke umtylǵanymen, ony aman alyp qala almaǵan», dedi ShQO TJD ókilderi.
Súńgýirler marqumnyń denesin búgin jaǵadan 20 metr qashyqtyqtaǵy jerden tapty.