Almatyda esirtkini óndirý jáne satýmen aınalysqan top ustaldy, dep habarlaıdy Egemen.kz.
Almaty qalasy polısııa departamentiniń málimetinshe, esirtki qylmysymen aınalysqan top qalanyń Túrksib aýdanyndaǵy Maılın kóshesinde ustaldy.
«Kúdiktilerdiń qolynda birneshe paket boldy. Onyń ishinde ósimdik tektes zaty bar 120-dan astam býma jáne shópti dozaǵa bólip, oraýǵa arnalǵan jabdyq bar. Tárkilengen zattaı aıǵaqtar boıynsha sot-hımııalyq saraptama taǵaıyndaldy. Juptyń tek esirtki taratýmen ǵana emes, óndirýmen de aınalysatyny anyqtaldy. Sońǵy is-áreketteri boıynsha olardyń sybaılastary bar ekeni belgili boldy. Olar - 35 jastaǵy er adam men 23 jastaǵy azamatsha. Olar Almaty oblysy Talǵar aýdany aýmaǵyndaǵy úılerinde qylmystyq óndiristi bastaǵan. Munda óz aımaqtarynda ósirilgen shıkizatty óńdegen», dedi Almaty qalalyq polısııa departamentiniń Esirtki qylmysyna qarsy kúres basqarmasynyń bastyǵy Erlan Álmaǵambetov.
Qylmystyq kodekstiń 296-baby 4-bóliginde kózdelgen qylmys belgileri boıynsha esirtki zerthanasynyń jumysynda paıdalanylǵan quraldar, daıyn shıkizat, butalar tárkilenip, qylmystyq is materıaldaryna tirkeldi.
«Sot-hımııalyq saraptamaǵa sondaı-aq «sańyraýqulaq» dep atalatyn sur zat jiberildi. Kúdiktiler qamaýǵa alyndy. Esirtki zerthanasy joıyldy. Qazir esirtki satýshylardyń turaqty «klıentteriniń» sheńberi qurylýda», dedi E.Álmaǵambetov.