Syrtqy ister mınıstrliginiń Almatyda tirkelgen dıplomatııalyq korpýs ókilderi men konsýldar qaýymynyń qatysýymen dıplomatııa ardagerlerin memlekettik jáne vedomstvolyq nagradalarmen marapattaý rásimi ótti.
Almaty ókildiginiń basshysy A.Shoqybaev quttyqtaý sózinde eldiń syrtqy saıasat vedomstvosynyń bastaýynda turǵan aǵa býynnyń qosqan úlesi zor ekenin atap ótti. Basqosýda ardagerler táýelsizdik tarıhyndaǵy alǵashqy sammıtter men halyqaralyq forýmdardyń uıymdastyrý tájirıbeleriniń keıbir qyrlaryn eske túsirip, memleketimizdiń, syrtqy saıasatymyzdyń, jalpy dıplomatııamyzdyń qalyptasýyna zor úles qosqan tulǵalardyń esimderin eske túsirdi.
Dıplomatııa ardageri Aǵybaı Smaǵulov áriptesterin Qazaqstannyń dıplomatııalyq qyzmetiniń 30 jyldyǵymen quttyqtap, el basshylyǵyna jáne Syrtqy ister mınıstrligine kórsetken iltıpaty men marapattary úshin alǵysyn bildirdi. О́z kezeginde 1999-2003 jyldary Qazaqstan Respýblıkasynyń BUU janyndaǵy Elshisi, Turaqty ókili qyzmetin atqarǵan Mádına Jarbosynova Qazaqstan BUU-ǵa múshe bola otyryp, ony damytýǵa tolyq qatysýǵa quqyq pen naqty múmkindik alǵanyn atap ótti. Elshi Qazaqstannyń BUU-daǵy beıbitshilik pen halyqaralyq qaýipsizdikti nyǵaıtý, qarýsyzdaný jáne ıadrolyq qarýdy taratpaý rejimin nyǵaıtý, ıadrolyq synaqtardy toqtatý jáne tyıym salý salasyndaǵy negizgi bastamalaryna toqtaldy.
2017-2018 jyldary BUU Qaýipsizdik Keńesiniń turaqty emes múshesi bolyp saılanýymen Qazaqstannyń osy saladaǵy tarıhı úlesi men dáıekti ustanymyn álemdik qoǵamdastyq rastap, moıyndaǵany da aıtyldy.
Saltanatty keshte dıplomatııa ardagerleri A.Smaǵulov pen M.Jarbosynovaǵa Memleket basshysynyń Qurmet gramotasy tabystaldy. Sheteldik dıplomattar Asqar Shoqybaevtyń Almatydaǵy mıssııasynyń aıaqtalýyna jáne mınıstrliktiń Taıaý Shyǵys jáne Afrıka departamentiniń dırektory bolyp taǵaıyndalýyna baılanysty tilektestigin bildirdi.
ALMATY