5 qyrkúıekten bastap Qazaqstanda «Bolashaq» baǵdarlamasy boıynsha sheteldik taǵylymdamadan ótýge qujattar qabyldaý bastalady, dep habarlaıdy Egemen.kz Halyqaralyq baǵdarlamalar ortalyǵynyń baspasóz qyzmetine silteme jasap.
О́tinishter 2022 jyldyń 14 qazanyna deıin eGov.kz portaly arqyly qabyldanady. 2022 jyly taǵylymdama baǵdarlamasy boıynsha 110 shákirtaqy bólingen.
2022 jyly taǵylymdamadan ótýge jumyskerlerdiń mynadaı sanattary bekitilgen: ınjenerlik-tehnıkalyq qyzmetkerler, medısına qyzmetkerleri, mádenıet, týrızm jáne sport salasynyń qyzmetkerleri, BAQ qyzmetkerleri, agroónerkásiptik keshen qyzmetkerleri, memlekettik qyzmetshiler, orta, tehnıkalyq jáne kásiptik bilim berý uıymdary pedagogteri.
«Bolashaq» baǵdarlamasy boıynsha taǵylymdamadan ótýge arnalǵan basym mamandyqtar tiziminde 158 mamandyq bar.
О́tinishterdi qabyldaý jáne «ǵalymdar» sanaty boıynsha taǵylymdamadan ótýge konkýrstyq irikteý bólek júrgiziledi. Ýaqyty keıinirek habarlanady.