Indonezııa densaýlyq saqtaý mınıstrliginiń ókili Mohammad Sıahrıl pasıenttiń stasıonarlyq emdeýdi qajet etpeıtinin habarlady, dep jazady Egemen.kz.
Antara ulttyq agenttiginiń habarlaýynsha, Djakartada turatyn 24 jastaǵy jigit maımyl sheshegimen aýyryp qalǵan.
Naýqas jaqynda shetelge saıahattap, deneniń keıbir bólikterinde qyzba jáne bórtpe sııaqty belgilerdi sezingeni anyqtaldy. Sonymen qatar, naýqasta kókbaýyrdyń ulǵaıýy baıqaldy.
«Búgin bizde maımyl shesheginiń alǵashqy resmı rastalǵan jaǵdaıy bar. Naýqastyń betinde, alaqanynda, aıaqtarynda bórtpe bar. Qazir onyń jaǵdaıy jaqsy», dedi Mohammad Sıahrıl.