Shyǵys Qazaqstan oblysynda jeńil kólik pen KamAZ soqtyǵysty. Apat saldarynan 3 adam aýrýhanaǵa jetkizildi, dep habarlaıdy Egemen.kz.
ShQO tótenshe jaǵdaılar departamenti taratqan habarlamaǵa sáıkes, jol-kólik oqıǵasy 21 tamyz kúni «О́skemen-Altaı» tasjolynda bolǵan.
Toıota avtokóligi men KamAZ soqtyǵysty.
«Jol apaty saldarynan úsh adam zardap shekti. Eki adamdy jedel járdem qyzmetkerleri alyp ketti. Al jeńil avtokóliktiń 1976 jyly týǵan júrgizýshisine Apattar medısınasy ortalyǵynyń dárigerleri sol jerde alǵashqy medısınalyq kómek kórsetti. Sodan keıin ol birinshi qalalyq aýrýhanaǵa jetkizilgen», delingen aqparatta.
Belgili bolǵandaı, er adamǵa moıyn jaraqaty dıagnozy qoıyldy.
Jol apatynyń mán-jaıy anyqtalyp jatyr.