Fýtboldan Qazaqstan chempıonatynyń kezekti týr oıyndary ótti. Bul kezeńdegi kezdesýler arqyly qaı komandanyń kósh bastaıtyny anyqtalýǵa tıis edi.
Sol múmkindikti «Aqtóbe» utymdy paıdalandy. «Ordabasyna» qarsy oıynda birden tizgindi qolǵa alǵan alań ıeleri tóreshi belgi bergen bette dopty torda týlatty. Jyldam soǵylǵan goldyń avtory – Dos Santos Rodjerıo Alvesh. Arada 10 mınýttan asa ýaqyt ótkende Elhan Astanov tarazy basyn teńestirdi. Desek te, shymkenttikterdiń qýanyshy uzaqqa sozylmady. 27-mınýtta Alvesh dýbldiń avtory atansa, matchtyń sońǵy mınýttarynda Iýgo Vıdmon mergendik tanytty. Esep – 3:1. Osy jeńisiniń arqasynda «Aqtóbe» jarys kestesinde birinshi orynǵa shyqty. Olar 16 kezdesýden keıin 32 upaı jınap otyr.
О́zge oıyndardyń nátıjeleri mynadaı: «Aqsý» – «Qaırat» 1:2, «Astana» – «Qyzyljar» 1:0, «Tobyl» – «Taraz» 2:2, «Aqjaıyq» – «Kaspıı» 2:0, «Shahter» – «Atyraý» 0:0 jáne «Maqtaaral» – «Turan» 2:0.