Jetisý oblysy, Alakól aýdanynda jol apaty boldy, dep habarlaıdy Egemen.kz. polisia.kz saıtyna silteme jasap.
25 tamyzǵa qaraǵan túni Alakól aýdanynda «Aýdı-100» jáne «BMV-525» kólikteriniń qatysýymen jol apaty boldy. Úsharal-Dostyq tasjolynyń 79-shaqyrymynda Kóktuma aýylyna jaqyn jerde 51 jastaǵy Audi júrgizýshisi jol jıeginde turǵan BMW kóligimen soqtyǵysqan.
Turaqtaǵy sheteldik kóliktiń qasynda tórt er adam bolǵany anyqtaldy, olardyń úsheýi soqtyǵysqan «Aýdı» júrgizýshisimen birge túrli dene jaraqattarymen aýrýhanaǵa jetkizildi. Zardap shekkenderdiń biri 35 jastaǵy er adam jansaqtaý bóliminde kóz jumdy. Qalǵan úsheýi aýrýhanaǵa jatqyzyldy.
Qazir is júzinde qajetti saraptamalar taǵaıyndalyp, kólikter mamandandyrylǵan turaqqa ornalastyryldy. Jol-kólik oqıǵasyn tergep-tekserý Qazaqstan Respýblıkasy Qylmystyq kodeksiniń 345-babynyń 3-bóligi (Kólik quralyn basqaratyn adamdardyń abaısyzda adam ólimine ákep soqqan jol qozǵalysy nemese kólik quralyn paıdalaný erejelerin buzýy) boıynsha júrgizilýde.