Jańa oqý jyly qarsańynda 22 tamyz ben 12 qyrkúıek aralyǵynda elorda aýmaǵynda «Nazar aýdaryńyz – balalar!» jedel-aldyn alý is-sharasy ótip jatyr, dep habarlaıdy Egemen.kz Nur-Sultan qalasy ákimdiginiń resmı saıtyna silteme jasap.
Jedel aldyn alý is-sharasy aıasynda birinshi kezeńde múddeli organdarmen jáne mekteptermen birlesip, bilim berý nysandarynyń janynda jol qaýipsizdigin qamtamasyz etý máselesine monıtorıng júrgiziledi.
Ekinshi kezeń 1-12 qyrkúıek aralyǵynda ótkiziledi, onda aldyn alý úshin mektep oqýshylarymen sabaqtar, dárister ótkizý, úgit-nasıhattaý syndy tikeleı jumys júrgiziledi.
Oqý jylynyń basynan bastap mektepterdiń janyna arnaıy jasaq qoıý, aýystyrý jáne keshki ýaqytta sabaq aıaqtalǵannan keıin patrýldeý jumystaryn kúsheıtý josparlanyp otyr.
Sonymen qatar jedel aldyn alý is-sharasy aıasynda kámeletke tolmaǵandar úshin belgilengen sanıtarlyq-epıdemıologııalyq shekteýlerdi saqtaı otyryp, jol qaýipsizdigi máselelerine arnalǵan uıymdastyrýshylyq, aǵartýshylyq jáne oıyn-saýyq sharalary josparlanýda.