Bıyl 17,7 mln tonna kóleminde astyq túsimi joǵary bolady dep kútilýde. «QTJ» UK» AQ-da orylǵan astyqty sapaly tasymaldaýdy qamtamasyz etý úshin shtab quryldy. Jol bólimshelerinde jedel astyq toptarynyń táýlik boıy jumysy uıymdastyryldy.
«QTJ-Júk tasymaly» JShS Bas dırektory Vladımır Petrovtyń tóraǵalyǵymen astyq tasymaldaý máseleleri boıynsha ZOOM-keńeske kólik jáne ekspedıtorlyq kompanııalar men treıderlerdiń 120 ókili qatysty.
2022 jyldyń jeti aıynda 5,1 mln tonna astyq tıelip, onyń 4 mln tonnasy eksporttaldy. Un tıeý 2021 jylǵa qaraı 21%-ǵa, ıaǵnı 1,6 mln tonnaǵa deıin ósti. Eksport 38%-ǵa artty. Qazaqstan astyǵyn temir jol kóligimen eksporttaýǵa barlyq baǵyt ashyq. Tasymaldaý prosesin ońtaılandyrý úshin astyq pen untaqtalǵan ónimderdi marshrýttyq poıyzdarmen jóneltý usynylady. Bul júkterdi jetkizý merzimin qysqartýǵa jáne vagondar aınalymyn jedeldetýge múmkindik beredi.
Keńes barysynda júk jóneltýshiler tasymaldaýdy uıymdastyrý boıynsha óz usynystary men suraqtaryn alǵa tartty. Astyq tasymaldaý úshin jyljymaly quram tapshylyǵy táýekeliniń bary aıtyldy. Bul vagondardyń qazaqstandyq jekemenshik ıeleri baǵamdyq aıyrmashylyqqa baılanysty vagondardy jalǵa berý tıimdirek bolǵandyqtan jyljymaly quramdy basqa temir jol ákimshilikterine baǵyttaıtynymen baılanysty.