Qazgıdromet sınoptıkteri 28 tamyzǵa arnalǵan aýa raıy boljamyn jarııalady, dep habarlaıdy Egemen.kz.
Elimizdiń basym bóliginde aýa raıyn aýqymdy antısıklon anyqtaıdy, bultty jáne qurǵaq aýa raıy kútiledi.
Tek elimizdiń soltústik-batysynda, soltústiginde, ortalyǵynda, shyǵysynda, ońtústik-shyǵysyndaǵy taýly aýdandarynda atmosferalyq fronttar jańbyr men naızaǵaı boljanady.
Respýblıka boıynsha keı jerlerde jel kúsheıedi, soltústikte, soltústik-batysta túnde jáne tańerteń tuman túsedi.
Qyzylorda, Túrkistan oblystarynyń basym bóliginde, Atyraý oblysynyń batysy men shyǵysynda, Batys Qazaqstan, Abaı oblystarynyń ońtústiginde tótenshe órt qaýpi saqtalady.
Kúndiz Atyraý, Batys Qazaqstan oblystarynyń basym bóliginde, Aqtóbe oblysynyń batysy men ońtústiginde qatty ystyq kútiledi.