Almatyda «Saýdakent» bazarynan órt shyqty, dep habarlaıdy Egemen.kz Almaty TJD baspasóz qyzmetine silteme jasap.
Qalalyq TJD baspasóz ókilderiniń málimetinshe, órt jarty saǵat ishinde sóndirilgen.
«Qalalyq TJD málimetinshe, 28 tamyzda saǵat 02: 09-da Jetisý aýdany, Raıymbek dańǵyly, «Saýdakent» bazaryna joǵary dárejeli órt sóndirýshiler jiberilgen. Alǵashqy bólimsheler 6 mınýttan keıin oqıǵa ornyna keldi. Bul ýaqytta bazar aýmaǵynda 260 sharshy metr aýmaqta bir qabatty dámhana órtenip jatyr. О́rttiń kórshiles ǵımarattarǵa taralý qaýpi paıda boldy», dedi TJD ókilderi.
О́rt 2.39-da oqshaýlanyp, 2.44-te joıyldy. TJD qyzmetkerleri jedel áreket etip, jaqyn mańdaǵy ákimshilik ǵımaratqa jalynnyń taralýyna jol bermedi.
О́rttiń shyǵý sebebi anyqtalyp jatyr. Qaza bolǵandar men zardap shekkender joq. Oqıǵa ornyna 16 birlik tehnıka jáne jeke quramnan 47 adam shyqty.