Elorda turǵyndarynyń ótinishi boıynsha Nur-Sultandaǵy aýyl sharýashylyǵy jármeńkesi 30 tamyzǵa deıin jalǵasady, dep habarlaıdy Egemen.kz Nur-Sultan ákimdiginiń saıtyna silteme jasap.
Nur-Sultanda Túrkistan oblysynyń 70-ten astam aýyl sharýashylyǵy óndirýshileri 535 tonna óz ónimderin usyndy. Onyń ishinde et jáne et ónimderi, kókónister, kartop, sút, nan-toqash ónimderi, jemister men baqsha ónimderi, bal, jemis shyryndary, konservilengen ónimder, jumyrtqa bar. Munyń bárin dástúrli túrde naryqtyq baǵadan 15-20% tómen baǵamen satyp alýǵa bolady.
Jármeńke 29 tamyzǵa deıin sozylýy kerek edi, biraq qala turǵyndarynyń ótinishteri boıynsha is-shara 30 tamyzǵa deıin uzartyldy (jármeńke dúısenbide de bolady).
Jármeńke «Barys Arena» muz saraıynyń aýmaǵynda ótkiziledi.