Qarjylyq monıtorıng agenttigi birneshe JShS-ny reıderlik jolmen basyp alý deregi boıynsha sotaldy tergeý júrgizip jatyr, dep habarlaıdy Egemen.kz QMA baspasóz qyzmetine silteme jasap.
«Aldyn ala boljam boıynsha zardap shegýshige keltirilgen shyǵyn kólemi 18 mıllıard teńgeden asady. Bıyl 14 shildede sot R. Babaev, T. Tanashev, D. Ábıjanov jáne A. Altybasarovqa qatysty qamaýǵa alýdy sanksııalady. Qospaev, Shalın jáne Imashevqa halyqaralyq izdeý jarııalandy. Múlikti anyqtaý jáne tyıym salý sharalary qabyldandy», delingen habarlamada.
QMA málimetinshe, bul azamattardyń 9 mıllıon dollarǵa jýyq qarajaty buǵattalyp, zergerlik buıymdary tárkilengen.
«Kúdiktiler men olarǵa qatysty tulǵalardyń 154 jyljymaıtyn múlik nysany (turǵyn úı kesheninde 102 páter, 6 jekemenshik úı, 28 turǵyn emes úı, 11 ýchaske, bir saýda nysany, eki qala, tórt kólik turaǵy), 19 kólik tárkilengen. Sotaldy tergeý jalǵasyp jatyr. QR QPK-nyń 201-babyna sáıkes ózge málimet jarııa etilmeıdi», delingen habarlamada.