Berekeli qoǵamnyń berik irgetasy

Parlament depýtattary, qoǵam qaı­rat­­kerleri, Ortalyq apparattyń qyz­met­­kerleri qatysqan jıynǵa beıne­kon­­­ferensııa baılanysy arqyly par­tııa­nyń barlyq aımaqtyq fılıaly qosyldy.

Erlan Qoshanov jıynǵa qatysý­shylardyń nazaryn Joldaý – Ádiletti Qazaq­stan qurý jolyndaǵy taǵy bir úlken qadam ekenine aýdar­dy. «Joldaýda Prezıdent ádet­tegideı, qazaqstandyqtardyń eń ózekti saýaldaryna naqty jaýabyn berdi. Bul – bas­taý alǵan saıası ózgeristerdiń jal­ǵasy. Prezı­denttiń sózi men isi bir jer­den shy­ǵa­tynynyń taǵy bir dáleli. Aldaǵy saılaý naýqandary­nyń keste­si jarııalandy. Mem­leket basshysy Pre­zı­dent mandatyn qysqartý jáne uzaq­tyǵy 7 jyldyq bir merzimmen shekteý jóninde bastama kóterdi. Munyń bári reformalar baǵytynyń dáıek­tili­gin jáne onyń eldegi demo­kratııany nyǵaı­týǵa baǵyt­talǵanyn kórsetedi», dedi ol.

Sonymen qatar partııa tóra­ǵasy qazirgi syn-qaterlerge qara­mastan, Prezıdent memlekettik áleýmettik saıa­satty kúsheıtip jatqanyn atap ótti: bilim berý men densaýlyq saqtaýdy damy­týǵa, jastar men aýyl sharýa­shy­lyǵyn qoldaýǵa úlken qara­jat bólinýde, barlyq áleýmet­tik tólem ındekstelýde, zeı­net­aqy qaıta qaralýda, «Ulttyq qor – balalarǵa» jobasy iske qo­sylýda.

«Amanat partııasy elimizdiń jetek­shi saıası kúshi retinde Memleket bas­shysynyń saıası jáne áleýmettik-eko­no­mıkalyq bastamalaryn tolyq qoldaıdy. Prezıdenttiń Joldaýda usyn­ǵan barlyq reformasy – bul eldiń jańa jaǵdaıda damýyna tyń serpin beretin progressıvti ári ýaqtyly is-sharalar», dep atap ótti partııanyń tóraǵasy Erlan Qosha­nov.

Sondaı-aq basqosý barysynda partııanyń Saıası keńesi Bıýrosy­nyń múshesi, «Egemen Qazaqstan» respýb­lıkalyq gazeti JShS-nyń bas dırektory Darhan Qydyráli sóz sóıledi. Onyń aıtýynsha, Joldaý el damýynyń aldaǵy baǵytyn aıqyndaıdy.

«Memleket basshysy óz Jol­daýynda halyqty tolǵandyratyn bar­lyq ózekti máseleni qam­ty­dy. Bul sý resýrstarynyń jetis­peýshiligi, jol jóndeý, aýyl­daǵy medısınany damytý, ıgerilmegen jerlerdi qaıtarý jáne taǵy basqalar. Sondyqtan biz Prezıdenttiń baǵytyn tolyq qoldaımyz», dedi Darhan Qydyráli.

О́z kezeginde Amanat partııasy Almaty qalalyq fılıalynyń atqarýshy hatshysy Meıirjan Otynshıev Almatynyń jastar men stýdentter qalasy ekenin atap ótti. Bul rette ol: «100 myń jas azamatty jumysqa ornalastyrý, jas kásipkerlerge jeńildikpen nesıe berý, stýdentter jataqhanasynyń máselesin sheshý boıynsha naqty sharalar qamtylǵan Joldaý – bolashaq urpaqtyń máseleleri Prezıdenttiń nazarynda ekenin aıqyndap otyr», dedi.

Partııanyń Soltústik Qazaq­stan oblystyq fılıalynyń atqa­rýshy hatshysy Ásem Rahmetova barlyq mindet qoǵamnyń, mem­lekettik apparattyń jáne par­tııanyń ortaq kúsh-jigerimen iske asady degen pikir bildirdi. «Búgin­gi jumysymyzda qoǵamdyq dıalog, ashyq­tyq, turǵyndardyń muń-muqtajyna jedel den qoıý máselesi basym baǵyt bolýǵa tıis. Sol arqyly oıǵa alǵan dúnıeniń barlyǵyn iske asyra alamyz», dedi ol.

Jıyn qorytyndysy boıynsha Amanat tóraǵasy Erlan Qoshanov partııa­nyń Ortalyq apparaty men óńirlik fılıaldarynyń aldyna Joldaýdy halyq arasynda ilgeriletý jáne onda aıtylǵan Memleket basshysynyń reformalaryn iske asyrý úshin barlyq partııalyq resýrsty jumyldyrý jóninde birqatar naqty mindet qoıdy.