Qasym-Jomart Toqaev AQSh Kongresi О́kilder palatasynyń delegasııasyn qabyldady, dep habarlaıdy Egemen.kz Aqordaǵa silteme jasap.
Kongressmender Djeıms Panetta jáne Tomas Sýossımen kezdesýde qazaq-amerıka qatynastaryn damytý perspektıvalary talqylandy. AQSh Kongresindegi Qazaqstannyń dostary tobynyń qyzmeti aıasynda parlamentaralyq baılanystardy nyǵaıtýǵa erekshe nazar aýdaryldy.
Memleket basshysy AQSh kongressmenderiniń sapary parlamenttik dıplomatııany ilgeriletý turǵysynan mańyzdy dep atap ótti. Sondaı-aq ekijaqty saýda-ekonomıkalyq jáne ınvestısııalyq yntymaqtastyqtyń qarqyndy damyp kele jatqanyna kóńili tolatynyn jetkizdi.
Prezıdent kongressmenderge elimizde júzege asyrylyp jatqan aýqymdy reformalar men Qazaqstan halqyna arnaǵan Joldaýynyń negizgi baǵyty týraly aıtyp berdi.
О́z kezeginde kongressmender Memleket basshysyna kezdesý úshin alǵys aıtyp, Prezıdenttiń aýqymdy saıası jáne ekonomıkalyq reformalardy júzege asyrýdaǵy bastamalaryn joǵary baǵalady.