Indýstrııa jáne ınfraqurylymdyq damý mınıstrliginiń «Ashyq saǵat alańy» jobasy aıasynda Indýstrııalyq damý komıteti Munaı-gaz mashınasyn jasaýdy damytýdyń halyqaralyq ortalyǵymen birlesip basqosý ótkizdi, dep habarlaıdy Egemen.kz.
Beınebaılanys formatyndaǵy jıynǵa sondaı-aq otandyq shaǵyn jáne orta bıznes ókilderi men «Qazaqstan mashına qurystyrý» ZTB basshylary da qatysty.
Kezdesý barysynda munaı-gaz salasyndaǵy mashına qurystyrýdy damytý tetikteri tarazylanyp, osy taraptaǵy qordalanǵan máselelerdi sheshý joldary talqylandy. Atap aıtqanda, basqosýda Munaı-gaz mashınasyn jasaýdy damytýdyń halyqaralyq ortalyǵynyń 2021-2022 jyldardaǵy atqarǵan jumystary ekshelip, jergilikti munaı-gaz sektoryndaǵy operatorlar (KPO, NCOC, TCO) úshin qajetti munaı-gaz mashına qurylǵylary aıqyndaldy.
Qazirgi kúnde Qazaqstanda munaı-gaz salasyndaǵy mashına qurastyrýmen aınalysatyn 91 kásiporyn jumys isteıdi. О́ndiris oshaqtarynyń 12-i – iri, 15-i – orta jáne 64-i – shaǵyn. 2021 jyldyń qorytyndysy boıynsha atalǵan kásiporyndar quny 68,5 mlrd teńgeniń ónimin óndirgen. Al bıylǵy alǵashqy 7 aıda shyǵarylǵan ónimniń jalpy somasy 37,5 mlrd teńgege jetken. 2022 jyldyń 6 aıynda eksporttalǵan ónim 40,8 AQSh dollaryna artqan (ótken jyldyń sáıkes kezeńindegi kórsetkish – 31,6 AQSh dollary).
Atap ótý kerek, saladaǵy qazaqstandyq ónimniń úlesi aıtarlyqtaı az. Shamamen 3,7 paıyz kóleminde. Munaı-gaz mashınalarynyń basym bóligi shetelden ákelinedi.
Osy máseleni ońtaıly sheshý maqsatynda otandyq kásiporyndardyń ókilderi saladaǵy birqatar túıitkildi jaıtty jetkizip, usynystaryn aıtty. Onyń ishinde iri munaı-gaz operatorlarynan tapsyrystar qabyldaý tetikteri de tarazylandy.
Basqosý qorytyndysy boıynsha IIDM Indýstrııalyq damý komıteti birqatar sheshim qabyldady. Atap aıtqanda, munaı-gaz salasyndaǵy kompanııalarmen kelissózder júrgizilip, Shevron Qorynyń jergilikti jerlerdi damytý Baǵdarlamasy sheńberinde kóterilgen máselelerdi túbegeıli sheshý joldary qarastyrylmaq. Sondaı-aq jıyn qatysýshylary mashına qurastyrý salasynyń damýyna kedergisin tıgizetin tosqaýyldardy birlese sheshý baǵytyndaǵy jumystardy odan ármen jalǵastyrýǵa ýaǵdalasty.