Qostanaı oblysynyń ákimdigi jergilikti aýqymdaǵy tótenshe jaǵdaıdy jarııalaý máselesin pysyqtap jatyr, dep habarlaıdy Egemen.kz.
«Qostanaı oblysyndaǵy tabıǵı órtke baılanysty kómekke muqtaj halyq TJD-da ashylǵan jedel jeli telefonyna habarlasýyna bolady. Jergilikti atqarýshy organdar evakýasııalanǵan adamdardy Áýlıekól orta mektebi men Áýlıekól mektep-ınternatyna ornalastyrdy. TJ mınıstrligi men TJ departamentinde 8 717 2 53 32 84, 8 714 2 50 36 24 nomerleri boıynsha jedel jeli ashyldy. Psıhologtar da jumys istep jatyr. Sonymen qatar kómekke muqtaj azamattar 112 nemese 101 telefondaryna habarlasýyna bolady. Sondaı-aq Qostanaı oblysynyń ákimdigi jergilikti aýqymdaǵy tótenshe jaǵdaıdy jarııalaý máselesin pysyqtaýda», dep jazylǵan habarlamada.